जनकपुर । धनुषामा हतियारधारी समूहले सहकारी संस्थाको ८० लाख रुपैयाँ लूटपाट गरेको छ ।
शुभश्री बचत तथा ऋण सहकारी संस्थाका कर्मचारी वीरेन्द्र कुमार महतोबाट हतियारधारी समूहले पेस्तोल देखाउँदै आज दिउँसो ८० लाख रुपैयाँ लूटपाट गरेको प्रहरीले जानकारी दिएको छ ।
जनकपुस्थित हिमालयन बैंकबाट रकम निकालेर सहकारीमा जाने क्रममा मोटरसाइकलमा आएका दुई जना हतियारधारी समूहले महतोको साथबाट सबैला नगरपालिका-१२ रघुनाथपुरबाट सहकारीको ८० लाख रुपैयाँ लूटपाट गरेको धनुषा प्रहरीले जनाएको छ ।
प्रहरीले घटनाबारे अनुसन्धान सुरु गरेको र लूटेराको खोजी कार्य गरिरहेको जनाएको छ ।
