प्रचण्ड–नेपाल समूहकी नेतृ रामकुमारी झाँक्रीलाई प्रहरीले बोलायो

राजनीति

गृहपृष्ठ
राजनीति
प्रचण्ड–नेपाल समूहकी नेतृ रामकुमारी झाँक्रीलाई प्रहरीले बोलायो

प्रचण्ड–नेपाल समूहकी नेतृ रामकुमारी झाँक्रीलाई प्रहरीले बोलायो

बिहीबार, माघ २९, २०७७ बागेश्वरी पोस्ट

फाइल फोटो

नेपालगन्ज। नेपाल कम्युनिष्ट पार्टी (नेकपा) की प्रचण्ड–नेपाल समूहकी नेतृ रामकुमारी झाँक्रीलाई प्रहरीले बोलाएको छ ।

अपराध महाशाखाका प्रमुख एसएसपी दीपक थापाले झाँक्रीलाई कार्यालयमा कुरिरहेको बताएका छन् । झाँक्रीले राष्ट्रपति विद्यादेवी भण्डारीमाथि बोलेको विषयलाई लिएर प्रहरीले बोलाएको बुझिएको छ । झाँक्रीलाई बोलाएर पक्राउ गर्ने मनस्थिति बनाएको स्रोतको दाबी छ ।

बुधबार मात्रै पनि झाँक्रीले प्रतिनिधिसभा विघटनको विरोधमा भएको विरोध सभालाई सम्बोधन गर्दै सन्की प्रधानमन्त्रीको प्याधा बन्ने एउटा महिलाको विषयमा बोल्न पाइने बताउँदै सार्वजनिक पदमा बसेपछि त्यसको लिङ्ग नहुने र ऊ सार्वजनिक पदधारी हुने जिकिर गरेकी थिइन् । उनले मुखको कालो टेप खोल्दै ‘निरङ्कुशताको साक्षी बस्नेविरुद्ध बोल्न पाइन्छ’ भनेकी थिइन् ।

उनले कुनै संस्थाको विरोधमा नभइ व्यक्ति र प्रवृत्तिका विरुद्ध बोलेको प्रस्ट परेकी थिइन् । कार्यक्रममा झाँक्रीले आफूविरुद्ध महिला अस्मिताको कुरा उठाउँदै गृहमन्त्रीलाई ज्ञापन पत्र बुझाउने महिला संघले भागरथी भट्टको न्यायका लागि ज्ञापन पत्र बुझाए की बुझाएनन् भन्दै प्रश्न गरेकी थिइन् ।

झाँक्रीले केपी शर्मा ओली नेतृत्वको सरकारले गत पुस ५ गते संसद विघटन गरेपछि आफूलाई ज्यानको खतरा रहेको सामाजिक संजालमार्फत बताएकी थिइन् । हाम्राकुराबाट।

प्रकाशित मिति: बिहीबार, माघ २९, २०७७ ११:०५

प्रतिक्रिया दिनुहोस्